काठमाडौं–नुवाकोटको विदुर नगरपालिकामा शनिबारदेखि सुरु भएको विदुर मेयर कप फुटवल प्रतियोगिता सुरु भएको छ । सुरुवात्मा म्यागङ गाउँपालिकाले आफ्नो विजयी सुरुवात गरेको छ ।
नुवाकोट आर्दश बहुमुखी क्याम्पसको खेल मैदान बट्टारमा सम्पन्न भएको खेलमा घरेलु टोली विदुर नगरपालिकालाई पराजित पार्दै म्यागङ गाउँपालिकाले विजयी सुरुवात गरेको हो ।
म्यागङ गाउँपालिकालाई जितको दोस्रो हाफमा जर्सी नम्बर १० का तेजवहादुर घलेले गोल गरेका थिए । त्यसपछि खेलमा कुनै गोल भएन । म्यागङ पहिलो खेलमै विजयी भयो ।
यसअघि पहिलो हाफमा विदुर नगरपालिकाले दुईपटक गोल गर्ने अवसर पाएपनि गोल भएन । समुह सि मा तीन अंक जोड्दै म्यागङ शीर्ष स्थानमा उक्लिएको छ ।
खेलको म्यान अफ दी म्याच समेत खेलमा निर्णायक गोल गरेका घले घोषित भए । उनले १ हजार रुपैयाँ नगद प्राप्त गरे ।
प्रतियोगिताको पहिलो विजेताले ४ लाख ४ हजार ४ सय ४४ रुपैयाँ र उपबिजेताले २ लाख २ हजार २ सय २२ रुपैयाँ पुरस्कार पाउने आयोकजक विदुर नगरपालिकाका मेयर राजन श्रेष्ठले बताए ।
प्रतियोगिताको उद्घाटन संघीय अर्थमन्त्री प्रकाशशरण महतले गरेका थिए ।
प्रतियोगितामा नुवाकोटका २ नगरपालिका र १० गाउँपालिका छन् । प्रतियोगितामा १२ टोलीले सहभागिता जनाउने भनिएपनि दुप्चेश्वर र पञ्चकन्या भने शनिबारसम्म पनि सहभागिता जनाएका छैनन् । प्रतियोगिता माघ २० गतेसम्म संचालन हुने छ ।
आईतवार ३ खेल हुने आयोजनकले जनाएका छन् । पहिलो खेल ककनी गाउँपालिका र लिखु गाउँपालिका बीच खेल हुने छ । दोस्रो खेल बेलकोटगढी नगरपालिका र किस्पाङ गाउँपालिकाविच प्रतिष्पर्धा हुने छ । त्यसैगरी अन्तिम खेलमा सुर्यगढी गाउँपालिका र तारकेश्वर गाउँपालिकाका बीच खेल हुनेछ ।
ताजा समाचार
लोकप्रिय
© 2024, All right reserved to Raja Times – News from Nepal
Site by: Trishuli Web
कुनै पनि प्रतिक्रिया पाईएन !